Pitkos en nog meer...

---

Pa .. dankie dat jy my liefhet; vir elke pak slae toe dit nodig was

dat ek op jou skoot kon slaap; dat ek by jou kon leer van respek en van hard werk en van glo

dat jy nooit te moeg was om my te help nie

vir elke koppie koffie wat ek moes maak, vir jou skurwebaard- soene en die sagte vat van groot, harde hande

vir die waarsku-stemmetjie wat pa in my hart geplant het

dat ek op pappa se nek kon perdry

vir al die kere wat ek bed toe gedra is

dat ek so onbevange trots op jou kan wees

vir elke onthou-oomblik wat ons saam kon he

Pappa ek is vreeslik lief vir jou

          Freda Schoeman 

Blaise Pascall (1623-1662) was onder andere 'n beroemde wiskundige, 'n fisikus asook die ontwerper van die eerste rekenmasjien, die “Blaise Pascaline”.Hy het dit waarin hy geglo het op 'n stukkie papier neergeskryf. Na sy dood is hierdie stukkie papier in die voering van sy pak klere gevind. Die stukkie papier het hom konstant herinner aan dit waarin hy geglo het. Hy dit altyd by hom gehad en soos hy pakke verander het, seker gemaak dat dit in die voering van sy pak was. Hier volg 'n vrye vertaling van dit wat hy neergeskryf het:

God van Abraham, God van Isak, God van Jakob. Oortuiging. Blydskap. Vrede. God van Jesus Christus

My God en jou God, jou God sal my God wees

Vergeet die wêreld, vergeet alles, behalwe God. Hy kan slegs gevind word in die leringe van die Evangelie.

Regverdige Vader, die wêreld het U nie geken nie, maar ek het U geken. Blydskap, blydskap, blydskap, trane van vreugde.

Dit is die ewige lewe: dat ons U ken, die ware, enigste God, en die Een wat U gestuur het, Jesus Christus. Volkome oorgawe aan Jesus Christus

Ewige vrede vir die voorreg van 'n dag op aarde. Mag ek nooit u woorde vergeet nie. AMEN