Pitkos en nog meer...

---

Here, laat my keel, soos die van ‘n tortel, U met sonop loof

Bewaar my van dae wat laat en chaoties begin

Bewaar my, nie net van vroeg-oggend se slagvelde nie –

Maar veral van dae, wat soos oorvol koffiebekers,

gevul is met luide musiek, verknegtende tv, en allerande  wegdoenbaarhede

Want ‘n dag wat met ‘n lofpsalm begin

kan nie anders as om 'n ster-dag te wees nie...

Dit is ‘n dag waarin God self aan jou sy is

Waarin Hy jou dra as jy nie verder kan nie

Waarin Hy jou krag skenk as jou eie krag wil ingee

Waarin Hy Sy liefde oor jou uitstort, en Sy genade jou aanbied.

Dit is ‘n vreugdedag omdat dit met ‘n vreugdelied aan God begin is!