Nuusbrokkies
Francois en Elizabeth Fourie Ligte Musiek Geestelike Musiek Kinderliedjies Bladmusiek
Monday, February 19, 2018
[1] Visitors Currently Online
Nuusbrokkies
Voeg by Gunstelinge

Nuusbrokkies


MY BESTE VIR JESUS in VANDERBIJLPARK
Ons voel al soos ou vriende by die NGKerk Suid, in Vanderbijlpark. Volgende Sondag is ons weer daar met 'n sangdiens vir

Lees Verder...


Pitkos


DIE WINDPOMP
Dis droog. Ek het met U gepraat. My gebede is 'n handvol saad - so lank gelede reeds het ek dit in U tuin gesaai. Ek

Lees Verder...


Terugvoering


Michele, Sutherland
Liewe Francois en Elizabeth, Ek wou  nie voorbarig wees en n skrywe rig nie.Maar julle was absoluut in ons harte So

Lees Verder...

 

Nuusbrokkies


February 18, 2018
MY BESTE VIR JESUS in VANDERBIJLPARK

Ons voel al soos ou vriende by die NGKerk Suid, in Vanderbijlpark. Volgende Sondag is ons weer daar met 'n sangdiens vir die hele gesin, "My beste vir Jesus". Almal is welkom om saam te kom. Dit begin 09h00 en die kerk is op die hoek van Verdi en Mahler straat. Ons bring geestelike albums en dvd's te koop saam, daar is vir grootmense en vir kinders - 'n verskeidenheid om te kies.

Hoop om julle daar te sien! 


February 7, 2018
R18000 se mieliepitte vir Sutherland se diere

Dankie aan NG Parys- Wes en al die mense van Parys wat Sondag aand ons kerk vol gesit het om te kom sing en bid en bydra tot Sutherland se Dankbaarheids Hulpfonds. R18000 se offergawes is opgeneem, absoluut oorweldigend vir ons - soveel omgee en liefde onder doodgewone gelowige kinders van die Here.Wat 'n groot geleentheid was dit; iets wat ons lank sal bybly! Sutherland se Kooperasie het laat weet dat daar mieliepittte aangekoop gaan word sodat die diere kan oorleef in die droogte tye. Mieliepitte ... so 'n basiese ding, so 'n nodige ding. Laat ons tog nooit tred verloor met basiese behoeftes wat versil kan maak tusen lewe en dood nie. 


February 1, 2018
PARYS SING VIR SUTHERLAND

Ons het onlangs 'n aangrypende brief uit Sutherland ontvang, waar ons gevra is om 'n konsert te hou ten bate van die Dankbaarheids Droogtehulp Fonds. Sutherland gaan gebuk onder die swaarste droogte in 100 jaar. Ons het besluit dat in sulke omstandighede, mense sekerlik ook in hulle gees droogte beleef. Daarom gaan ons nie 'n konsert hou nie, maar 'n bid-en-sangdiens. Dan kan ons vir Sutherland intree, en ook die kollekte van die aand stuur vir die droogtehulp. Ons ken Parys se mense as baie meelewend. Ons weet ons kan reken op hulle ondersteuning in hierdie verband. En al wil jy van ver af ry - almal is welkom. Ons gaan sing, en bid, en blywees oor ons Vader, wat nooit Sy kinders sal vergeet nie. Dis eerskomende Sondagaand in NG Kerk Parys Wes, om 18h00. Kom nes jy is. Een tannie skryf uit Sutherland: "My oom het altyd gesê - as dit nie reën nie, le die skaap paadjies oop" ... wat beteken dat daar in sulke tye, nie nogigheid is vir opsmuk nie. Die waarheid lê oop. Kom nes jy is. 


December 22, 2017
VREDE VIR JULLE

Aan al ons dierbare musiek vriende:

Baie dankie vir julle liefde, gasvryheid en ondersteuning! Ons lewe is ryker met hierdie land se mense, wat so goed vir ons is en ons altyd met soveel oorgawe ontvang.

Ons wens julle 'n geseënde Kerstyd toe saam met vriende, kinders en familie.

En vir julle wat alleen is en swaarkry - dat ons Vader julle spesiaal sal omvou en julle sal omring met 'n skare engele so reg uit die hemel.

Liefdegroete in Jesus!

Francois en Elizabeth


November 20, 2017
KERS-KOORFEES SAAM MET KOLLEGEPARK EN MEER ....

Dinsdag aand 21 November om 18h30, is dit KersKonsert by die new Life Sentrum in Vanderbijlpark, saam met die Kollegepark Laerskool kore. Altyd iets besonders. Die opregtheid waarmee kinders die HERE loof en vir Jesus liefhet, spreek tot elke grootmens. Kom beleef dit! Woensdag aand ry ons na Potcheftroom vir die Kers afsluitings-ete van Potch Dienssentrum. Sanet en Wendri is soos twee engele in die seniormense van Potch se lewens. Dit gaan 'n puik aand wees. Dis ons eer om as gaskunstenaars op te tree. Saterdag kuier ons in Postmasburg saam met die ouer mense. Lekker konsert, lekker saam eet en kuier. Kontak Karen Herbst 0748934939. En as jy Sondag oggend 26 November in Kimberley is, kom loof die HERE saam met ons by die AP Kerk, Die Kruis.Dit begin 09h00 en enige iemand kan kom. Sondag aand is dit Kers Sangdiens in die pragtige NG Moederkerk in Colesberg. Dit sal so lekker wees om jou daar te sien! Almal welkom.


November 16, 2017
Van Betlehem tot Rayton

Altyd 'n vreugde om konsert te hou saam met 'n spannetjie opgewonde kleuters, met ewe opgewonde ouers, oumas en oupas in die gehoor. Ons weet al - hulle kyk nie regtig vir ons nie - maar hou daardie kind van hulle op die verhoog dop - sonder om 'n oog te knip!! Maar ons gee nie om nie. Musiek bring soveel vreugde! Vanaand kuier ons saam met die Kiddies Klub in Betlehem. Kom vroeg! Dis altyd baie vol! Sondag aand sing ons SOMERKERSFEES by NGKerk Rayton. Dit begin 18h30. Almal is welkom ... tyd vlieg ... soos die liedjie se woorde sê..... Kersfees kom .....


November 7, 2017
Somerkersfees in Sasolburg

Eerskomende Sondag aand 12 November, bied ons ons Kers sangdiens aan by NGKerk 4 Ankers, Felix Stowe straat, Sasolburg. Dit begin 18h00. ALMAL WELKOM! SomerKersfees CD beskikbaar @R100.


October 31, 2017
SOMERKERSFEES

Somer Kersfees

Alhoewel Francois en Elizabeth se musiekloopbaan afgeskop het met ‘n goue  ligtemusiek treffer, “Wil jy dans Carina”, het hierdie geliefde sangpaar hulleself ook met die loop van tyd onmiskenbaar gevestig op die geestelike musiek terrein, met ‘n hele paar geestelike albums en treffers op die mark.

Daar was lankal reeds navrae vir ‘n opname van hulle Kersaanbieding, SOMERKERSFEES. Nou het Francois en Elizabeth aan die versoek voldoen en bied met groot trots hierdie unieke album aan.

SOMERKERSFEES bestaan uit ‘n samestelling van verse en voorlesings vir Kersfees, asook al die geliefde kersliedere soos Bethlehem ster, Die Heiland is gebore, Jerusalem, Somerkersfees, Stille nag, Al was ek nie daar nie, en vele meer. Hierdie is ‘n saam-luister en saam-sing album vir in die huis of motor, ‘n Kerssangdiens vir gemeentes en selgroepe, en ‘n viering van die Kersboodskap vir families en vriende wat graag bymekaar kom in die kerstyd. Dis die ideale geskenk vir ouer mense, wat nie meer kan uitgaan om ‘n sangdiens by te woon nie, of vir Afrikaanse gesinne in die buiteland wat nie ‘n Kerssangdiens in hulle eie taal kan geniet nie.

Die eerlike en oortuigende styl waarmee Francois en Elizabeth SOMERKERSFEES lewendig aanbied, het in die verlede reeds baie harte geraak. Met hierdie album kry mense oor ‘n breër spektrum nou die geleentheid om hierdie inspirerende Kers-reis mee te maak.

SOMERKERSFEES is beskikbaar by musiekwinkels soos Musica, Music4U en Cum Boeke, asook  by www.francois-en-elizabeth.co.za


October 31, 2017
KERSFEES BEGIN OP VANDERBIJL

Die eerste van ons reeks SOMERKERSFEES Kers-sangdienste, begin jou werklikwaar  al eerskomende naweek. Die jaar het gevlieg! Kom sing gerus saam. Met alles wat nou rondom ons gebeur, voel dit asof ons ekstra nodighet om die Goeie Nuus van Jesus se koms na die aarde weer- en meer dikwels- te hoor. Dis NG Kerk Vanderbijlpark Sentraal, LeonCachetstraat, Vanderbijl en dit begin om 18h30. Kyk gerus op ons Kalender onder OPTREDES, waar ons oral hierdie jaar ons kersdienste gaan hou.


October 17, 2017
Musiekplesier by Bambi en by Witbank Vallei

Musiek bring 'n glimlag op die gesig ... daar is geen groter lekkerte nie, as om te sien hoe mense begin ontspan en lag tydens 'n konsert. En dan bring die kleintjies altyd daardie ekstra sprankel op die verhoog! Vrydag oggend is dit die oumas en oupas van Bambi Kleuterskool in Lyttelton se beurt. En eerskomende Saterdag oggend kan almal saam kon lekkerkry by NG Kerk Witbank Vallei se Oktober tee. Kontak vir Gerda by 0828625930 vir jou kaartjie. Die tema is "Dankbaarheid en Lewensblyheid", en dis presies waaroor ons gaan sing. Ons almal het tog so 'n groot behoefte daaraan!


October 3, 2017
2017 Finbond Mutual Bank Kleuterkunskompetisie

Kleuterkunskompetisie


September 29, 2017
Hartebeespoort kuierkonsert

Kom kuier saam by die Hervormde Kerk Hartebeespoort se konsert vir Seniors, Saterdag 30 September om 10h00! Lenie is baie gelukkig met die hoeveelheid mense wat reeds bespreek het, maar daar's altyd plek  - hoe meer siele hoe meer vreugde! Ek onthou hoe hulle eenkeer die stoele waarop ons gesit en wag het agter die gordyne, kom vra het omdat daar nog mense by die deur opgedaag het. Ons staan met liefde ons stoele af!!


September 21, 2017
Heritage Weekend Special

Heritage Weekend Special


September 11, 2017
Lente in die lug

Ons is veilig terug na ons baie suksesvolle Lentetoer na die SuidKaap. Dankie vir almal wat ons so hartlik ontvang en ondersteun het! 

Ons geniet die mense so baie. "Toe jy op die verhoog kom, het jou gesig vir my baie bekend gelyk", kondig 'n man trots aan na ons optrede by die Oupa en Ouma dag by Hartenbos Laerskool, waar ek 'n voorprogram saam met die skool se kinders gedoen het. "Maar toe 'Johan' (?) op die verhoog kom, het ek geweet - ek ken julle al laankal!!" 

Hierdie naweek vier ons fees saam met Klerksdorp Suid NG Kerk. Die gemeente het vir hulle 50 jarige bestaansjaar 'n lekker konsert gereel. Dis 16 September om 19h00 by NG Suid, Klerksdorp. Kontak vir Marinda by die kerkkantoor vir meer detail - 01846238683. Sondag is daar 'n gesins-vriendelike erediens by Ned Hervormde Kerk SonlandPark in Vereeniging. Almal is welkom, dit begin 09h00.


August 26, 2017
SEPTEMBER BEGIN IN DIE SUIDKAAP!

Ons Suid-Kaap musiek-toer bestaan uit ‘n verskeidenheid optredes, wat wissel van konserte gerig op seniormense, gesinsaande, sang- eredienste en optredes vir kinders.  Die toer is veral gerig daarop om fondse in te samel vir verskeie gemeenskapsprojekte -  en om sommer net vreugde te bring. Ons musiek sal te koop wees teen ‘n spesiale prys. Daar is ‘n verskeidenheid ligte – en gospelmusiek cd’s en dvd’s,  vir kinders en grootmense. Kom kuier saam!

SON 3 SEPT             ALBERTINIA N G KERK  LENTE-LOFSANGDIENS  09H30 ALMAL WELKOM

SON 3 SEPT             HARTENBOS N G KERK LOFSANG AAND 18H00 ALMAL WELKOM

DINS 5 SEPT            STILBAAI GEMEENSKAPSAAL KUIERKONSERT 10H00 KONTAK JOHAN CRONJé 0833093894

DON 7 SEPT            GROOT BRAKRIVIER N G KERK KUIERKONSERT 18H30 KONTAK JOHAN HEYL 0825504296

VRY 8 SEPT            HARTENBOS LAERSKOOL OUMA, OUPA EN KINDERDAG 10H00  KONTAK ZILNA 0446951515     




Archives

 

Nuusbrokkies
©2007 - 2016 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za