Hallo Elizabeth, Eerstens baie dankie dat jy gereageer het op my e-pos. Waardeer dit. Jy sal nie vir my glo hoeveel plesier het ons uit daardie twee kindercd’s gekry het nie. In die motor of by die huis. Veral Vorms – dan het ek hom gewys die verskillende vorms soos ons die liedjie luister.Hy was en is steeds mal oor sy oupa en wat oupa se is wet. Net soos die liedjie. Julle doen ongelooflike werk – daarom dat julle so geseënd is.‘n Wonderlike dag en week vir julle en hou so aan met die goeie werk. Onthou grootmense word ook weer soos kinders – ek geniet daardie cd’s net so baie. Baie dankie Plaasgroete, Annette

Francois en Elizabeth, Namens die NG Kerk van Dalunie gemeente sê ons baie dankie vir die wonderlike kersprogram wat julle vir ons aangebied het.  Dit het diep aan ons harte geraak.Baie dankie ook vir die twee cd’s wat julle geskenk het. Dit word opreg waardeer.Voorspoed en die Here se seën op julle lewens en optredes vorentoe.Vriendelike groete Nellie Smit - Saakgelastigde

Liewe Francois & Elizabeth, hiermee wil ons julle eerstens baie dankie sê vir die wonderlike geestelike ervaring waarmee julle ons Saterdag aand kom seën het.  Die Here het ons as gemeente se Kersfeestyd voorwaar op ‘n baie spesiale manier laat begin.  Ons het 2 CD’s by julle gekoop en gisteroggend toe ons gereed gemaak het vir die oggend Erediens, het ons na julle Somer Kersfees CD geluister.  Ai, julle program was pragtig, maar om weer na jul CD te luister was so spesiaal.  Ek moes trane afvee.  Wat ek eintlik wil sê, in die tyd waarin ons leef, raak die Kersboodskap so afgewater en soos julle gesê het gaan dit vir die meeste mense oor die geskenke en hoe groot en wonderlik dit moet wees, maar ons vergeet dat die Here die ene is wat die Egte is en altyd daar is vir ons van nou af tot in ewigheid!  Baie dankie vir jul pragtige suiwer Evangelie boodskap. Mag die Here julle netso kom seën in die Kersfeestyd wat voorlê asook op julle lewenspad vorentoe. Vriendelike Kersfees groete, Isak & Adri van Schalkwyk, Boksburg  

Goeie dag,Baie dankie ek het vanoggend die CD by die poskantoor gaan afhaal. Ons ruk-en-rol al te lekker op die Pannekoekliedjie en ballet saam met Manie die Musieknoot.Vir my is dit die lekkerste herinneringe! My laerskool sang juffrou het die bladmusiek gekoop en ons het al die liedjies in haar sang klas gesing. Liedjie van die Wind het ek op my heel eerste talentkonsert gesing. Ek is tot vandag toe lief vir musiek en sang en dit is vir my baie lekker om nou hierdie liedjies uit my kinderdae met my eie kinders te kan deel!Weereens dankie vir die musiek!Groete.Mari Kruger 

Toe my kind klein was het ek vir hom 2 cd’s van julle gekoop. Die een kan ek onthou het ‘n liedjie opgehad van Oupa en een van Ouma. Dan was daar een van al die vorms bv as jy wil weet hoe ‘n sirkel lyk moet jy na die volmaan kyk. Ek onthou net dit was ongelooflike cd’s. Dit het my kind in so baie opsigte geleer.

Jy sal nie vir my glo hoeveel plesier het ons uit daardie twee cd’s gekry nie. In die motor of by die huis. Veral Vorms – dan het ek hom gewys die verskillende vorms soos ons die liedjie luister.

Julle doen ongelooflike werk – daarom dat julle so geseënd is.

Annette Bosman,  Stellenbosch