Hallo tannie Elizabeth, ek weet nie of  tannie nog onthou nie maar ek het so ñ jaar of wat gelede vir my kleinsus Luka ñ cd bestel en tannie het dit vir my Kaapstad toe gepos. Is dit dalk moontlik om dit weer te doen asb? Tjokkerjol is OP gespeel!! Hy wil nie meer nie? Geen gemooi praat, vloek of skietgebedjie kry hom aan die gang nie!  'Saam sing liedjies' se volgorde ken sy te goed! En selfs in die nag- as sy slaap...sing sy dit! So...ten einde bietjie minder te skel en my 'op-skryf-boekie' hopelik bietjie skoner te hou..  Wil ek graag nog iets vir haar bestel! Miskien die olke bolke met dvd? O ja sy het die Jesus liedjies een ook en was dit nie dat Pa haar uitgevang het-ook net betyds nie- was sy nou die dag op die punt om cd vir die dominee te gee! Dis glo cooler musiek vir die kerk en kan ook glo die orrelis ñ ding of twee leer!!......*smile *groete *Mieke de Beer

Hi julle, ek was een van die oumas by Jim Fouche lareskool (24/04/2015) se ouma en oupa dag. Ek was oorspronklik oppad soontoe bietjie gespanne omrede ek ‘n werkende ouma is en moes terug haas werk toe. Maar toe ek eers julle pragtige optrede sien met die wonderlike kinderliedjies en die trane moes wegpik van trots op ons wonderlike kleinkindertjies het ek skoon van tyd vergeet. Aanvanklik het ek vir my “baas” gesê ek gaan net so uur weg wees. Wel toe is ek twee en halfuur weg. En weet julle, ek was nie eens meer gespanne nie en het so geesvervuld gevoel oppad terug werk toe. Ek wil graag julle cd’s en dvd’s koop. Nie net vir my nie, maar om vir my pragtige kleinkinders te speel en hulle die mooi van ons Afrikaanse liedjies te laat hoor.  Ek het ‘n hele 7 van hulle. (kleinkinders). Wel ek het gou julle website gaan google en gedink ek wil hierdie briefie van waardering vir julle stuur. Dankie vir julle bydrae van pragtige musiek en uitstralende Goddelike Liefde. Vriendelike Groete/Kind Regards Elsabe Young-Pienaar