Liewe Francois en Elizabeth Ek weet nog eintlik nie presies hoe om my hart te verwoord nie. Nou stel ek uit en ek wou Maandag al eerste ding ’n briefie skryf. Miskien kan ek maar net weer sê: Baie, Baie Dankie…!!! Dit was vir ons baie spesiaal. Julle is vir my persoonlik en vir ons klompie in Villieria ’n inspirasie.Julle egtheid en julle nederigheid spreek ons aan en maak jul woorde geloofwaardig. Die manier hoe julle ons hanteer … die half geverfde gebou, die verskeidenheid in ons gemeente, die kinders, oues… maak dat ek jul weer en weer wil nooi. Julle verhouding met mekaar is iets waaroor baie kommentaar gelewer het. Almal smag so na sulke rolmodelle. Dankie spesiaal daarvoor. Pas mekaar asb. baie goed op… Alles verdwyn in die sand as jul verhouding nie solied oorkom nie.. Ag, ek dink ek kan nog lank aanhou. Maar aanvaar asb. my en ons gemeente se opregte dank en bemoediging. Ek moet sê, Elizabeth, het al die wind uit my seile gevat met die gebaar Sondag. Dít is ’n “preek” wat ek nooit sal vergeet nie. Mag julle aanhou ervaar dat Jesus julle baie liefhet. En mag julle Sy glimlag oor jul werk aanvoel. Tot ons weer ontmoet. Derick du Toit  

Hallo Elizabeth, ek kom nou eers tot verhaal na laas week se Lekkerliedjie-konsert.Ek is net baie verlig en dankbaar dat alles nou agter die rug is. Baie dankie vir julle aandeel om die konsert te kon laat slaag. Dit was nou met die minste inspanning en "hickups" wat julle by ons ingeskakel het en die konsert laat voortvloei het. Nooit gedink dit sou so goed werk nie. Dit was altyd n droom gewees om saam met die skepper van die mooi kindermusiek te kon sing. Dankie weereens vir die voorreg. Dit was 'n belewenis!! Ek hoop daar sal nog baie musiek uit jou  pen voortvloei vir die kinders van ons land. Sal my oe oop hou vir nuwe bundels op die winkelrakke.Nogmaals dankie vir die groot voorreg om saam met julle te kon werk.Hoop ons kan dit weer erens  in die toekoms doen. Groete, Annatjie Maree

Hallo Elizabeth, die kleuters en ouers nou nog nie uitgepraat oor lekker konsert nie!  Ek wil net vir jou en Francois baie dankie se vir die gemaklike manier waarop julle dit saam met die kleuters aangebied het. Ons sal verseker praat oor n damestee en vroegtydig iets met julle begin reel. Liefde Gerda-Marié

Elizabeth ..... my ouers is groot Radio Pretoria luisteraars en vanaand toe onthou ek jou program wat jy so paar jaar terug aangebied het. Ek dink dit was op Maandae aande so by 9 uur se kant... Sjoe ek het dit nooit gemis nie en het als gelos waarmee ek besig was om te luister. Jy het my elke keer so baie inspireer en met my hart gepraat... Ek het soveel vrede in jou stem gevind en kon hoor hoe 'n besonderse mens jy is. Ek het elke keer 'n baie beter mens na jou program gevoel!  Baie, baie dankie vir die verskil wat jy maak, dit is baie groter as wat jy besef! Jesus liefde,  Karin