Pitkos en nog meer...

---

      Ek soek na woorde wat kan heelmaak uit die boeke van die tyd

      Ek soek woorde wat kan toemaak, daar waar niemand ooit mag kyk

      Watter woorde kan kom stilmaak  as die gisters hard wil praat?

      Watter woorde kan kom lig maak as die nag sy donker laat? 

    Praat met my van spykers, praat met my van hout

      Praat met my van asyn en spons

      Praat met my van bloed

      ... van spykerwoorde in vlees gekap

      asyn op hisop en purperlap

      Spykerwoorde maak heel

      Doringkroon woorde is goed vir die pyn

      Eli lama sabagtani  laat my eensaamheid verdwyn

     uit:  Optelwoorde,  Koos v d Merwe