Pitkos
Francois en Elizabeth Fourie Ligte Musiek Geestelike Musiek Kinderliedjies Bladmusiek
Monday, May 20, 2019
[1] Visitors Currently Online
Pitkos
Voeg by Gunstelinge

Nuusbrokkies


Ouma en Oupa dae ...
Vroeer sou ons optree by Ouma en Oupa-dae en so ewe dink dat ons vir die "ou mense" gaan sing ... maar nou dat ons self

Lees Verder...


Pitkos


MOENIE MET OU TANNIES MORS NIE
MOENIE  MET OU TANNIES MORS NIE              

Lees Verder...


Terugvoering


Seniors Paasontbyt, Centurion 16 April
Goeie more! Ai wou gister al vir jou geskryf het. Julle is 'n gedugte span. Ons is oorval met komplimente oor die oggend

Lees Verder...

 

Pitkos en nog meer...



In PITKOS kan jy kort kort 'n inspirerende stukkie kry, net om te onthou:
Al lyk dinge ook hoe  sleg,  daar is ALTYD nog iets goeds oor! 
Pitkos


May 15, 2012
JY MOET DIT NET AANTREK!

"Mens hoef nie danig ryk te wees, om mooi te kan aantrek nie" , stel Magda ons gerus. Sy was die gasspreker by ons VaaldeGrace goed-voel Damesoggend - 'n gekwalifiseerde voorkoms konsultant, is Magda van Niekerk, in haar sewentigs, en pragtig mooi versorg. 'n Voorbeeld en inspirasie vir ons almal. So kom sy toe ook sommer in my klerekas delf om bietjie raad te gee met die deurmekaarspul. En sy kondig aan: "Jy't eintlik sulke mooi aankope gedoen, jy moet dit nou net begin DRA!!!" En sy tower die mooiste kombinasies op, wat ek nooit eers geweet het ek kan saamgooi nie. So slim.'n Wereld gaan vir my oop. 

Magda bly in my kop, die hele Maandag deur. Ek dink - so is dit ook met ons geestelike lewe. Ons sit met die wonderlikste genade-gawes in ons lewens-kas verniet vir ons voorsien deur ons Hemelse Vader ...  maar weet ons regtig wat om nou verder daarmee te doen ...? Ek besluit: ek moet my stukkies genade net begin vat, aantrek en DRA. Dis klaar daar!! Mag ons almal in die pinkstertyd net weereens besef hoe baie ons eintlik het aan liefde, en genade, en gawes!!! 


May 4, 2012
KYK ONS VIDEO!

Ons het verlede week 'n video gemaak van die titelsnit van ons nuwe album, "laat die FEES begin!".Die beeldmateriaal is alles in Parys. Ons staan en sing op ons eie stoep, en gebruik nagmaal in ons persoonlike "kerkie" op die eiland, ons eie stilword-plekkie teen die rivier. Die herfsbome het net vir ons gewag vir afneem, ... die volgende dag het die blare afgereen!! Ons ry fiets oor die brug, die enigste toegangspad tot die eiland waar ons woon. Dis ook simbolies bedoel: om die brug te kruis na 'n "lewe in oorvloed", soos God vir Sy kinders bedoel het. ... En ons het met angs en hoogtevrees en al, opgeklim tot by die klok van 'n pragtige Anglikaanse kerkie in die dorp om ons "Boodskap" uit te saai!!( en SO baie gedink aan die klokmuseun in Perth, wat ons verlede jaar besoek het) Ons swaai die rooi vlag van redding deur Jesus bloed, op 'n koppie in die Koepel, nou amptelik 'n wereld- erfenis gebied.  

Ons wil so graag he dat mense moet sien dat "normale" , gewone mense die HERE kan dien met oorgawe in hulle elke dag se lewe!!  Lees Jesaja 25 ... DIE HERE SE FEES -   dit begin NOU!!

Kliek op die link en geniet!   http://www.youtube.com/watch?v=Lyx2ZhtjaeI




Archives

 

Pitkos
©2007 - 2019 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za