Pitkos en nog meer...

---

HART spore …

" Here, oral waar ek gaan laat ek spore na.
Op die paaie wat ek loop, by die skool, kerk, winkels…
Daar is nie wegkomkans nie,
waar ek ookal was, is daar 'n teken van my identiteit.
Help my Here, om vandag  
hartspore  na te laat..
Spore  van regverdigheid en deernis,
van begrip en liefde,
van barmhartigheid en belangstelling.
Spore  van hartlike vriendelikheid en
van opregte betrokkenheid.
Mag my hart 'n ander hart aanraak
en 'n spoor van u liefde laat."
En as iemand sou sê:
"Jou aanraking het my vandag versterk"
laat hulle agterbly met die wete dat dit
U liefde was wat hul in my ervaar het."

Hoe gelukkig is die mens wat  'n jas kry wat hom pas:

wat hom toemaak, en warm maak, en van geluk laat gloei.

En as die jas dan baie winters hou, het so 'n mens genoeg.

Jy is my winterjas wat ek met niemand deel nie.

Met jou warmte om my, kan die winters maar kom.

Liefde laat die mens oorleef in yswind en sneeu. 

Een winterjas is genoeg vir twee.

Hoe mooi word die winter wanneer twee  winterskepsels een jas deel!

Nou het ons weinig meer as hierdie jas oorgehou en met verbasing uitgevind: wanneer die nag op sy koudste is, is die liefde van God, en die warmte van 'n medemens, eintlik al wat ons nodig het....