Pitkos en nog meer...

---

Heer, so met ons kaalvoet siele

staan ons voor ‘n krip en ‘n kruis;

sommer so, nes ons is …

Dit is dan juis in hierdie tyd van die jaar

dat ons so naby aan U voel

Miskien omdat U ons herhinner

aan hoe naby U aan ons gekom het

Eers in die stal in Bethlehem ,

En later, aan die Kruis op Golgota..

en nou, in hierdie stowwerige harte van ons

Heer, sommer so met ons kaalvoet siele

Sien ons soos die wyse manne destyds,

U in doeke, sommer so nes ons is

Dis dan juis in hierdie tyd van die jaar

Dat ons hoor hoe U met kaalvoet-mense praat

Omdat U genade ook vir ons genoeg is

omdat U so liefhet dat U bloei en ly vir ons

Heer, sommer so met kaalvoet siele

Vier ons Kersfees hierdie jaar

Sommer so, nes ons is

En hier, in die Suiderland,

raak ons stil en klein voor U grote majesteit

Selfs die engele in die Hemel

bedek met vlerke hul engel–aangesig…

Heer, so met ons kaalvoet siele:

neem tog aan ons kersgedig

Mag jy 'n Kersfees vol vrede en vreugde he en 'n Nuwe Jaar wat jou sal verstom met al die verrassings!

Baie dankie vir al die gasvryheid, liefde en ondersteuning wat ons van julle af gekry het die afgelope jaar

Liefdegroete

Francois en Elizabeth