Pitkos
Francois en Elizabeth Fourie Ligte Musiek Geestelike Musiek Kinderliedjies Bladmusiek
Saturday, December 14, 2019
[5] Visitors Currently Online
Pitkos
Voeg by Gunstelinge

Nuusbrokkies


Familie tyd
Ons laaste optrede van die jaar is afgehandel - ons maak gereed om see toe te gaan, dis ons beurt om hierdie jaar ons ki

Lees Verder...


Pitkos


Die Geel verjaardag
My verjaardag val toe hierdie jaar op 'n Sondag, en ons het oggend- en aand optredes by kerke, en 'n ete kuiertjie by Ou

Lees Verder...


Terugvoering


NG Kerk Empangeni
Liewe Francois en Elizabeth, Ek en die lidmate van NG Empangeni gaan Sondag 24 November 2019 nog vir ‘n baie lang

Lees Verder...

 

Pitkos en nog meer...



In PITKOS kan jy kort kort 'n inspirerende stukkie kry, net om te onthou:
Al lyk dinge ook hoe  sleg,  daar is ALTYD nog iets goeds oor! 
Pitkos


December 2, 2019
Die Geel verjaardag

My verjaardag val toe hierdie jaar op 'n Sondag, en ons het oggend- en aand optredes by kerke, en 'n ete kuiertjie by Ouma in Montana. Besige dag, nie 'n dag waarop mens 'n verjaardag kan vier nie. Dit sou hierdie jaar maar net verbygaan sonder viering, dink ek. Maar in die week vooraf, loop ek 'n mooi wit top raak, met sulke geel blomme op. En ek dink - vir die besige Sondag/verjaardag, gaan ek hierdie vrolike toppie dra. 

Ons ry in by Daspoort NGKerk, vroeg daardie Sondagoggend, om die klank op te stel. Toe ek instap sien ek dit - die helder geel doek wat hulle oor die preekstoel getrek het. Met die groot goue ster, en 'n krip met Baba Jesus daarin, op 'n tafel voor die geel doek.

Nog nooit in al hierdie jare, het enige iemand geel gekies om hulle kerk mee te versier vir die Kersdiens nie. Rooi en groen, ja, wit, silwer, selfs pers .... maar geel ...? Nog nooit.

Toe weet ek: die Here stuur vir my 'n boodskap - My kind, ek is lankal hier. Ek het vooruit gekom om die kerk te kom voorberei. Jy pas hier vandag. Jy is net waar Ek jou wil he. So met jou geel klere aan - simbolies van vreugde, en lewe. Ek is by jou, Ek gee jou my Guns. Geniet die feesdag!

Wat 'n verjaardag geskenk, wat 'n voorreg! Dankie, my Here!

 

 


November 7, 2019
Lees Lukas

Begin op 1 Desember dec_2015_004.JPGom een hoofstuk per dag uit Lukas te lees. Daar is 24 hoofstukke - op Ou Kersaand sal jy dan die hele geskiedenis van Jesus se lewe en doel op aarde ken - en op Kersfees oggend wakker word en verstaan wat die ware rede is om die dag te vier!


October 10, 2019
Vier fees, ook vandag!

Dra altyd wit klere, volgens Prediker 9:8.

Trek feesklere aan - nooi die Here as Eregas na jou lewe. Vra sommer ook of Hy die Gasheer sal wees wanneer jy ander mense deel maak van jou leef-fees. Bemoedig hulle met 'n stukkie brood, 'n gebed, of 'n kuier..Dra iemand wat swaarkry se las.. Seen iemand wat niks op die naam het nie met 'n stukkie hulp..Ontferm jou oor iemand wat deur almal misgekyk word.

Moenie dat vandag verbygaan sonder dat jy die Here se vreugde aangegee het na iemand anders toe nie.

Die Prediker het nog 'n voorskrif: Gooi reukolie oor jouself. Met ander woorde, versprei 'n vreugdevolle aroma. Ruik vars. Lyk vars.Leef vars.

Laat die nuwe geur van lewe afskop by jouself. .... Verban daardie goor klagtekantoor in jou eie lewe. Daar is oorgenoeg beswaardes om jou, wat dit heeltyds beman.

Kies vandag vir jouself feesklere en reuk-olie - die Here se soort!

Stephan Joubert.


September 26, 2019
DIE GEUR VAN U LIEFDE

My God, die aandblom hoef mos nie so soet te geruik het nie?

Ons sou die varsheid van kruisement en pronkertjies 

mos nie gemis het, as ons dit nooit geken het nie?

Rose sou mos  nog steeds rose gewees het

Al het hulle geur nie so soet in die skemer gehang nie

Maar U het gespreek dat daar geur sou wees…

Dat ons blydskap sou vind deur dit wat onsigbaar is, in te asem

Die geur van die aarde, is die geur van U liefde


August 19, 2019
I WILL ...

I will live more true to life

I will remember all I can

I will grow

- Deela Khan


July 2, 2019
no matter ...

no matter who is president

JESUS is King


April 2, 2019
MOENIE MET OU TANNIES MORS NIE

MOENIE  MET OU TANNIES MORS NIE                          

‘n Ouerige dame word eendag afgetrek omdat sy te vinnig ry…

Is daar ‘n probleem, Konstabel? vra sy

Konstabel:         Mevrou, u het te vinnig gery.
Dame:               O, ek sien.
Konstabel:         Kan ek u bestuurslisensie sien asseblief?

Ouer dame:       Ek sou dit vir jou gee, maar nou het ek nie een nie.

Konstabel:         Het nie een nie???    

Dame:                Het dit 4 jaar gelede al verloor weens dronkbestuur.
Konstabel:         O… kan ek dan u motor registasiedokumente sien asseblief.
Ouer dame:       Dit kan ek nie doen nie.
Konstabel:         Hoekom nie?
Dame:                Want ek het die kar gesteel! 
Konstabel:         Gesteel???
Dame:                Ja, en ek het die eienaar vermoor.

Konstabel:         U het WATTT???
Dame:                Hy’s in ‘n plastieksak agter in die kar, as jy wil kyk?

Die konstabel tree versigtig agteruit, en roep versterking in oor sy radio.

‘n Senior polisieman met 5 ekstra ander polisie voertuie arriver binne 5 minute op die toneel. Die senior polisieman kom versigtig nader, sy hand op sy pistool, net vir ingeval…
Polisieman:        Mevrou, klim asseblief uit die voertuig uit!

Die dame klim uit. 
Is daar ‘n probleem Meneer? 
Polisieman:        Hierdie konstabel beweer dat jy hierdie motor gesteel en die eienaar vermoor het.
Ouer Dame:       VERMOOR???
Polisieman:   Ja. Maak asseblief die kattebak oop, Mevrou.
Die dame maak oop, maar daar is niks nie.

Polisieman:        Is hierdie voertuig u s’n Mevrou? 
Ouer dame:       Natuurlik, hier is die registrasiepapiere.
Die polisieman is heel verward.
Hierdie konstabel beweer dat jy geen lisensie het nie?

Die dame vroetel in haar handsak en kom met ‘n wettige bestuurslisensie vorendag. Die polisieman inspekteer die lisensie – nou is hy nog meer verward.

Polisieman:        Jammer mevrou, maar hierdie konstabel het beweer dat jy nie ‘n lisensie het nie, dat jy die motor gesteel en die eienaar vermoor het?

Ouer dame:       Gmf, ek wed jou hy’t ook gesê dat ek te vinnig gery het!!!


December 31, 2018
God se naam

MY NAAM                                                                    1

Ek was spyt oor dinge van die verlede,

en ek was bang vir die toekoms.

Toe praat die Here met my en sê:

My Naam is EK IS –

Toe wag hy, en huiwer …

Ek het my asem opgehou … en toe sê Hy:

As jy in die verlede leef met sy foute en verwyte

gaan dit swaar. En Ek is nie saam met jou daar nie daar nie –

My Naam is nie EK WAS nie

As jy in die toekoms leef, met al sy onsekerhede en probleme,

gaan dit ook swaar, en EK is ook nie daarin saam met jou nie

want My Naam is  nie EK SAL WEES nie.

As jy in hierdie oomblik leef, nou, vandag –

gaan dit goed met jou. Want Ek is hier.

My Naam is

EK IS


October 6, 2018
BLAPSE IN DIE KERK AFKONDIGINGS

BLAPSE IN DIE AFKONDIGINGS                  

·       Vir alle ma’s wat kinders het en dit nie weet nie – ons het ‘n moederskamer net langs die kerk

·       Die blomme in die kerk sal geskenk word aan mense wat siek is na die erediens

·       Basaarafkondiging: Almal welkom! Kom gerus as jy niks aan het nie en kom deel in die pret!

·       Ons gemeente gaan vanaand lekker melkskommels in die kerksaal drink. Sal alle vroue wat melk skenk asseblief reeds om 4-uur daar wees.

·       Alle vroue kom Woensdag die elfde in die biblioteeksaal bymekaar vir ‘n praatjie oor die Hemel – hoe jy daar kan kom? Vervoer is beskikbaar om 7-uur vanaf die bushalte oorkant  die hotel.

·        ‘n Nuwe luidsprekerstelsel is in ons kerk geinstalleer. Dit is geskenk deur een van ons lidmate ter herhinnering aan sy vrou.

·       Weight Watchers het weer Woensdag-aand ‘n byeenkoms in die saal. Gebruik asseblief die dubbeldeure van die sy-ingang.

 

         "Ek sou nie graag wou Hemel toe gaan, as ek nie seker was dat God ‘n goeie sin vir humor het nie!” - Martin Luther


April 5, 2018
saam gevat

bo pad, onder pad

altyd-aan-die-wonder pad

op al jou lewenspaaie

het jy my saam gevat

son pad, sukkel pad

in-liefde-toegewikkel pad

op al jou lewenspaaie

het jy my saam gevat


March 29, 2018
Paaswens

Mag die Heilige Gees in die Paastyd

ons huise vul met Lig;

Ons gedagtes vul met liefde en goedheid;

en ons werke verander tot skoonheid

Geseend vir julle almal!


March 9, 2018
Thank God...

...for the way HE made you. You are special, distinct, and unique. You were not made from a common mold - Erwin Lutzer


February 1, 2018
DIE WINDPOMP

Dis droog.

Ek het met U gepraat.

My gebede is 'n handvol saad - so lank gelede reeds het ek dit in U tuin gesaai.

Ek wag, my Heer.

Die stilte lê Karoo-wyd tussen U en my

Die reën bly weg.

U tap die wolke oor U ander kinders leeg; van my, het U vergeet, terwyl ek bakhand ook 'n druppel bedel ...

Toe hou ek op met kla, en vra vergifnis vir my afguns.U weet mos self wanneer my beurt moet kom!

En so, my Heer, op U eie tyd, breek U die water-aar.... 

My put raak vol - my windpomp draai al singend in die wind!

Die toegewaaide sand wek U tot lewe

Hoe lieflik blom dit in my paradys!

(Onbekend)


November 16, 2017
om te lag ...

of all the things God created, I am often most greatful He created laughter   -  Charles Swindall


October 31, 2017
Daar is ALTYD iemand wat jou lief het!

Inspirasie




Archives

 

Pitkos
©2007 - 2019 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za