Nuusbrokkies
Francois en Elizabeth Fourie Ligte Musiek Geestelike Musiek Kinderliedjies Bladmusiek
Sunday, June 17, 2018
[3] Visitors Currently Online
Nuusbrokkies
Voeg by Gunstelinge

Nuusbrokkies


LOFSING DIE OPGESTANE JESUS!
Saterdag aand loof ons die HERE saam met die EGKerk by Eden kampterrein, Moloto, buite Pretoria. Wat 'n voorreg. 

Lees Verder...


Pitkos


saam gevat
bo pad, onder pad altyd-aan-die-wonder pad op al jou lewenspaaie het jy my saam gevat son pad, sukkel pad in-liefde

Lees Verder...


Terugvoering


Nicolette, Aliwal Noord
Hello daar! Ek en my suster het groot geword met julle musiek, dit was ons hoogtepunt van die jaar wanneer Francios &a

Lees Verder...

 

Nuusbrokkies


March 23, 2016
Geseende paasfees!
Ons wens julle almal die vrede wat daar in die Paastyd is - en dat Jesus wat die opstanding, lewe, weg en waarheid is, by julle sal wees - Francois en Elizabeth  

March 15, 2016
SING EN SPEEL! Kinder DVD/CD net betyds vir die vakansie!

Sing en Speel

Kleuters, laerskoolkinders - selfs babas... álmal ken tannie Elizabeth se lekkerliedjies wat deur die jare volksbesit geword het, en selfs in die nuutste FAK sangbundel  ingesluit is. Kinders sing dit in konserte - dit speel in die klas, by die huis en in die motor... oor en oor. Ouers vra spottenderwys: “Wanneer kry ons nog liedjies? Ons kan nie nog een keer na Pannekoek of Dis sjokolade luister nie!!!”

So, hier is dit: SING EN SPEEL! ‘n Splinternuwe, kleurvolle saamsing-dvd vir die kleinspan. Met ‘n lewendige gehoor wat ywerig  deelneem, kunstige  animasie-prentjies en kleuters wat inkleur, dans en konsert-hou, gaan kinders vir ure besig bly.  Nuwe liedjies soos Pienk Olifant, Gymliedjie, Reënboogliedjie, Lekkergoedliedjie en Die muis, nooi die kykertjies na ‘n vrolike kinder fantasie-wêreld.  Elizabeth voeg ook ‘n paar van haar gewildste Jesusliedjies by. Deur Langoor Donkie, Laat ons sing en Jesus is my lewe, leerken  kinders speel-speel  die basiese  Bybelwaarhede en word Jesus deel van hulle elkedag se bestaan.

SING EN SPEEL! sluit ook ‘n bonus-cd met lekkerliedjies en stories in - sodat kinders nie net kan kyk nie, maar ook kan luister - en so hulle verbeelding vrye teuels gee. Die stories kom uit Lekkerliedjieland... en Elizabeth se immergroen As Oupa so sê, Morsjors en Drie hoera’s vir die Mossiespan maak deel uit van die cd.

Ons lewe in ‘n tyd waarin monsters, plastiek-gewere en alles wat met knoppies werk, ons kinders se speelgoed geword het. SING EN SPEEL! DVD/CD  bied ‘n welkome variasie van eerlike en kerngesonde kindervermaak. Liefde vir musiek word speel-speel in kinders se lewe ingeploeg. Dis ‘n belegging in vreugde, wat geld eintlik nie kan koop nie.

SING EN SPEEL! is van April af in winkels, of kan pos-bestel word op www.francois-en-elizabeth.co.za .
Vir enige navrae oor optredes vir kinders of by skole en kerke, kontak elizabeth@efmusiek.co.za .
Skakel ook met Lydia Winchester by 0825548453.


March 14, 2016
SING EN SPEEL KONSERT BY MULLIES
Elizabeth se splinternuwe kinder dvd/cd, SING EN SPEEL, word Vrydag by Laerskool Muldersdrift bekendgestel met 'n konsert. Dit is juis die kleuters en juniorkinders van Mullies, wat te sien is as die gehoor in die dvd - daarom is die eerste SING EN SPEEL- konsert by hulle! Almal is welkom. Die vertoning begin 08h30 in die skoolsaal, en daar sal DVD'S te koop wees teen R100 stuk Dit is die ideale kinder-tydverdryf vir die vakansie en elke ouma behoort so 'n DVD in haar huis te he! Sien julle daar!
 

March 2, 2016
SING EN SPEEL is amper klaar!
Verlede jaar was ons kort-kort en deurgaans besig om kinderliedjie-video's en opnames te maak. Ons het by skole gaan kuier; 'n lewendige kinderkonsert opgeneem; met animasie, verbeeldingryke kostuums en "green-screen" rondgespeel ... en die eindproduk spel net een ding: SING EN SPEEL!! Die nuwe "babatjie" in die huis is 'n vrolike kinder-dvd, wat ook 'n cd met lekkerliedjies en stories insluit. 'n Mondvol lekkerte - nie net vir kindertjies nie - maar ook vir juffrouens, mammas en oumas - wat die kleintjies moet besig-hou! Binnekort meer inligting hieroor.



Archives

 

Nuusbrokkies
©2007 - 2016 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za