Hierdie is regtig die een Expo wat ‘n mamma nie moet misloop nie. Alles wat jy nodig het om te weet van kinders-grootmaak!
Dis volgende week, van 28 November – 1 Desember, elke dag van 09h00 – 18h00, by die Dome in Fourways.

En ons het ‘n kindermusiek stalletjie!!!
Spesiale aanbod:  Enige twee van ons kinderalbums, vir R100. Goeie plan vir die volgende verjaardag-of Kersfees persentjie – SIEN JULLE DAAR!!!

Met die dat Francois en ek nou in die ouma-en oupa-fase is, het KWELA 'n storie kom doen oor die nuwe kinderalbum, SAAMSINGLIEDJIES, wat aan ons kleinkind Johan opgedra is, en sommer oor die lekkerte van familie-wees. Kyk gerus Woensdag aand saam, dis op KykNet, Kanaal 144, om 20h00. Dan doen ons ook Woensdag aand 'n KersSang aand saam met die kinders van laerskool CR Swart in Middelburg, by Ligkruis Gemeente om 18h30. Sondag oggend 24 November, om 10h00, is ons by die Evangelies Gereformeerde kerk in Kroonstad vir 'n Kerssangdiens, en die aand om 18h30 by die NG Kerk Fairland. Almal welkom!!

Hierdie week vat ons die N1 na Pietersburg, Baltimore, Louis Trichardt en Warmbad. Kom deel gerus in ons loflied vir Kersfees wat kom! Volle besonderhede oor plek en tyd, op ons Kalender. Dan is daar 'n storie oor ons klein Johan en sy ouma se kinderliedjies op KWELA, Kyknet, op 20 November - en ons het voorblad-foto's geneem vir die Kersfees-uitgawe van die 50Plus tydskrif. Ons het ook 'n kindermusiek stalletjie by die MamaMagic Expo, Dome - 28 November tot 1 Desember. Jy kan jou musiek-inkopies teen die spesiale skouprys van R100 vir enige twee kinderalbums kom aankoop! Ja-nee, voor Kersfees gaan daar nog baie water in die see loop!!