Novembermaand is verby, en ons kyk terug na sowat 6000 kilometer wat ons die afgelope drie weke afgele het vir optredes. Nie eens 'n pap wiel nie! Hoe wonderlik is dit! Maar nog is dit het einde niet. Hierdie week reis ons na Krugersdorp vir 'n Kers sangaand saam met die inwonders van Panorama Aftree Oord, en dan vat ons die Port Elizabeth-roete tot in die Langkloof, waar ons Sondagaand ons Kers Sangdiens aanbied by die NG Kerk Misgund. Almal is welkom. Ons sien ook baie uit na Maandag- aand se Somerkersfees Konsert, saam met die kleingoed van Zoetendal Akademie in Struisbaai. Kyk gerus na al ons datums van optredes op die webwerf. Ons is nog besig tot 23 Desember.

Ons is darem gelukkig om die ou-bekende nostalgie van Kersfees oor en oor te beleef, saam met elkeen wat in hierdie tyd ons Kerssangdiens kom deel. Hierdie naweek is daar sommer heelwat saam-sing geleentheid: Saterdag oggend 11h00 - N G Kerk Brackenhurst in Alberton; Saterdag aand 19h00 NGKerk NoordVaal in Orkney; Sondag oggend 09h00 NGKerk Boksburg-Wes en Sondag aand 18h30 Hervormde Kerk Vaalpark in Vanderbijl. Almal welkom!  

Ons verbaas ons elke keer vir die optimisme en die liefde waarmee mense op die ver-afgelee platteland, vir hulle gemeentes werk. "Kerk" op die platteland, is meer as net "kerk": dis die bymekaarkom van mense met dieselfde passie, dieselfde probleme, dieselfde taal, kultuur en geloof. En "kerk" is die Een ding, wat te midde van baie veranderinge, nog dieselfde bly. Dis 'n anker. Dit inspireer ons! Kyk nou weer vir Hopetown NG Kerk. Hulle reel nie net 'n Kers-sangdiens nie - hulle reel 'n hele kersmark en 'n gemeentekuier, om die Kersgety mee in te lei. Almal is welkom om Saterdag, sommer van die middag af, saam te kom en te geniet! Ons Kers-sangaand begin 18h30 in die kerk. Dit gaan heerlik wees - kom gerus! Dan is ons Sondag oggend, 18 November,  met "SOMERKERSFEES"  by die A P Kerk Die Kruis in Kimberley, en Sondag aand in die N G Kerk Meyertonpark om 19h00. Hoe heerlik om weer die ou bekende Kersliedere te sing saam met mede gelowiges!   

Saterdag vat ons die lang pad na Jamestown, vir die Moederkerk se 100ste verjaardag; en Sondag aand doen ons 'n Kers sangdiens in die N G Kerk Queenstown. Almal is welkom! Dit begin 18h30.