Ja-nee, Parys het sy spierwit ryp-jassie aangetrek, en as die mis vroeg-oggend so opstaan uit die rivier uit, dan weet ons: dis winter! Maar niks het die mense van NG Parys Oosgemeente afgeskrik om gister- oggend kerk toe te kom nie. Ons het ons nuwe album bekend gestel, met 'n Pinkster Sangerediens, en ai, die mense het ons so lekker laat kry deur so hartlik saam te sing en in te leef, dit was werklik  'n FEES!!  Hierdie naweek ry ons na Schweizer Renecke vir 'n optrede by die Wildsfees Saterdag aand, en Sondag oggend sing ons om 10h00 by LIGPUNT AGS gemeente. Almal is welkom. Kom ons sing die winterkoue weg!! Ons nuwe cd, "laat die FEES begin" , is te koop @R100. Daar is ook voorraad by CUM Boeke, landswyd.

Woensdag oggend half-tien kuier-en-konsert ons lekker saam met al die bejaardes by HUIS HERFSBLAAR in Pretoria. Dis die plek waar mens altyd die lekkerste tee en koek kry - kyk, die tannies weet hoe!!   Saterdag is dit konsert vir die kinders om nege-uur, en vir die grootmense om elf-uur , by Delareyville se NG Kerkbasaar. En Sondag oggend stel ons ons nuwe album bekend by NGKerk Parys-Oos, met 'n pinkster sangerediens, "Laat die Fees begin!". Dit is om half-tien en almal is welkom!

In die nuutste JUIG! , is 'n artikel oor ons nuwe album.... dis nou op die rakke! Dan is ons Sondag oggend 13 Mei, by die NG Kerk Petronella, met 'n  spesiale Moedersdag sang erediens. Dit begin 09h00, en almal is welkom!