"Dit is iets wat jy nooit kan beskryf nie, dis onpeilbaar - jy weet net, dis daar ... as dit Kersfees word, as dit Kersfees word , as dit Kersfees word elke jaar

Daar is iets in die blink van die aandster, daar is iets in die sing van die wind ; as dit Kersfees word, as dit Kersfees word, in onskuldige oe van 'n kind ... "   (Uit:  As dit Kersfees word - E Fourie)

Kan mens GLO dat ons nou alweer in die Kers seisoen inbeweeg! Ons bied on s eerste van 'n reeks 'n Kers sangdienste aan in Vredefort se pragtige ou moederkerk, om 10h00, op Sondag 6 November. Maak van jou Kersfees hierdie jaar 'n Christusfees - en kom loof die Kind saam met ons! Almal is hartlik welkom.  

"Uit met die ou, in met die nuwe!" is die tema wat die Garsfontein NG Dames gekies het vir Saterdag oggend se Damestee. En ons het ons musiek en aanbieding daarby aangepas. Kom geniet 'n inspirerende kuieroggend saam met ons! Kontak vir Ina van Heerden by 0836728894. Dan is ons Sondag oggend in Riebeeckstad N G Kerk, vir 'n lofsangdiens tydens hulle Oesfees.Wat 'n heerlike voorreg om oral waar ons kom, die Goeie Nuus uit te dra en saam met mede gelowiges fees te vier in die Here! Die diens begin 10h00 en almal is welkom!

Sondag aand 18h00, Parys Wes Gemeente - kom nes jy is en kom sing saam! Ons het darem SOVEEL rede om die Here te loof in hierdie mooiste mooiste maand van Oktober! Almal welkom; dit kos niks, maar jy kan 'n geldjie bring vir die kollektebordjie as jy wil. En daar is 'n vrugtesappie na die tyd.