Ons gesels oor 21 jaar in die musiekbedryf en oor HARTSPORE in die musiekprogram DKNT, KykNet kanaal 111, op Kersdag 25 Des om 20h00. Kyk na die pragtige ou huisie in ons video DROME VAN GISTER. Die huisie staan op 'n melkplaas in die Tsitsikamma en het al menige fotograaf en skilder se verbeelding aangegryp. Ons was bederf met die mooiste skemeraand, en perfekte lig, die dag toe ons video daar opgeneem is. Mens kry dit nie altyd so mooi nie! Op Sondag 26 Desember is daar 'n herhalingsprogram van DKNT om 14h00.

Die ACVV van Mosselbaai het 'n mooi ding gereel vir die bejaardes van die dorp... 'n Kers-tee in Mosselbaai Moederkerk op Woensdag 8 Desember. Dit begin 10h00 en almal is welkom! Ons program is 'n lekker verskeidenheid van ligte- en Kersliedjies, en HARTSPORE-DVD is beskikbaar teen ons spesiale afslag-prys van R120 vir bejaardes.Bel vir Daleen by 0820561254 .

Ons kuier by SuidKaap Stereo, om 11h00 op die 7de Desember, en dan kan die Grook Brakkers hulle regmaak vir Kuns, Kuier en Konsert op Woensdag aand 8 Desember om 19h00 by Theatre@Brak. Kry jou kaartjie, wat 'n ete insluit, by Dries v d Walt, 0825585244.

SIEN JULLE DAAR!