Saterdag oggend se kleuterkonsert was ‘n belewenis: 120 bruin kleutertjies uit Eersterust, wat met aansteeklike  entoesiasme saam-sing en dans!
Ten spyte van benarde omstandighede, word ‘n kind se lewensvreugde nie sommer geblus nie.
Daar kan geen beter betaling vir my wees, as om te sien en beleef, met hoeveel vreugde die kinders my liedjies sing nie!

Elke programmetjie het ‘n eie, unieke volkleur-vetkryt prentjie op gehad, wat die kinders self geteken het.
(Nog nooit het ek so ‘n mooi skepping aangehad nie!)

Suikerbekkie Kleuterskool bedien 120 kleuters in Nantes, die behoeftigste deel in Eersterust, Pretoria.
Die onderwyseresse werk tans sonder salarisse. Daar is net nie.
Ek het my fooi vir die oggend se optrede terug gegee … ek “challenge”  enige iemand, wat ‘n passie het vir kinders,  om ‘n deeltjie by te dra:

Francois en Elizabeth bied in samewerking met die THEATRE@BRAK en ART@39LONG kunsgallery in Groot Brakrivier, ‘n bekendstelling van HARTSPORE aan, op Woensdagaand 8 Desember, by THEATRE@BRAK. Die aanbieding sal bestaan uit ‘n verskeidenheid van Francois en Elizabeth se grootste trefferliedjies, lekker vertellings, stories, pitkos, en mooi herinneringe wat die twee op die sang-pad bymekaar gemaak het. Die kaartjie sluit ook ‘n ligte ete in en die bedoeling is dat vriende ‘n kuier-aand saam met mekaar sal kom geniet. Vir die gesellige samesyn, sal daar ook heerlike wyn te koop wees! HARTSPORE sal teen ‘n spesiale openings aanbod van R130 te koop wees, wat ‘n dvd en cd insluit. Daar is ook kindermusiek, bladmusiekboeke en geestelike albums te koop.

KUNS KUIER EN KONSERT begin om 19.30 by Langstraat 39,Groot Brakrivier. Kaartjies kos R120.00 en kan verkry word by ART@39LONG te Langstraat 39,Groot Brakrivier.

Vir enige navrae, skakel Dries by 0825585244 of Elaine by 0825763338.

So vat ons die lang-pad  af Kaap toe vir optredes in Strand, Hermanus, Parow ...oornag in Colesberg, en trek vroeg-oggend   in vir brandstof. Een wat soos 'n bedelaar lyk, kom verskonend nader en Francois besluit - aanval is die beste verdediging.

"Hoe lykit, my bru, het jy nie daar vir my 'n ou trekkie nie ...? ", suggereer Francois tong-in-die-kies , met die nodige gebare, vir 'n zolletjie dagga

Dadelik verander die verplooide gesig in belangstelling ... hmmm, hier kan mens besigheid doen! En hy loer dadelik verby Francois na my -  en vra: "...nee dis reg so my Lanie ... en wat vannie suster? " ....