Francois en Elizabeth Fourie - Ligte Musiek, Geestelike Musiek en Kinderliedjies
Francois en Elizabeth Fourie Ligte Musiek Geestelike Musiek Kinderliedjies Bladmusiek
Wednesday, November 20, 2019
[2] Visitors Currently Online
Tuisblad
Voeg by Gunstelinge

Nuusbrokkies


Die E G Kerk verjaar!
Met die oog op feesvierings van die 75ste  bestaansjaar van die E G Kerk in Suid Afrika, toer ons hierdie naweek na

Lees Verder...


Pitkos


Lees Lukas
Begin op 1 Desember om een hoofstuk per dag uit Lukas te lees. Daar is 24 hoofstukke - op Ou Kersaand sal jy dan die

Lees Verder...


Terugvoering


Kers sangdiens Tuinedal 17 Nov
Francois en Elizabeth Baie dankie weereens vir julle lieflike program en mooi talent wat julle met ons kom deel het. Di

Lees Verder...

 

Welkom by Francois en Elizabeth Fourie se tuisblad!

Ons is bly jy het kom kuier. Ou vriende, nuwe vriende, almal is welkom!

Ons storie...

franeliz.jpgFrancois en Elizabeth sing reeds sedert hulle studentejare in Pretoria saam. Met die weghol sukses van hulle eerste goue treffer "Wil jy dans Carina" , het Francois en Elizabeth se musiekloopbaan oornag vlerke gekry .

Francois en Elizabeth woon op Parys in die Vrystaat. Hulle het twee dogters, Liezl en Minnette, en drie kleinkinders - Johan, Lize en Lua. Francois hčt 'n "regte" werk as eiendoms ontwikkelaar - terwyl Elizabeth die liedjies skryf, en die konsert-kantoor hanteer.

Musiek neem hulle op ver paaie deur Suid-Afrika en sy buurlande. Op Aardklop , die KKNK en ander Kunstefeeste , was hulle deel van die Stoep-storie span, en het Elizabeth verskeie kinderproduksies aangebied . Francois en Elizabeth is verskeie kere uitgenooi om oorsee op te tree, onder andere in Nederland, Duitsland, en Australië.  

Francois en Elizabeth is gereeld op  TV te sien,  in programme soos Noot vir Noot , JAM, Kwęla en JUKEBOX. Daar is verskeie toekennings deur die SAUK Voortrekkers Vroue Landbou Unie , die ATKV en Rapportryers . Op ‘n optrede in Amsterdam , is hulle met ‘n spesiale toekenning vereer deur die Nederlandse Vereniging vir die Bevordering van die Afrikaanse Taal.

Francois en Elizabeth lę hulle toe op ‘n wye verskeidenheid van ligte musiek, geestelike musiek en kinderliedjies. Van hierdie albums spog met toekennings en nominasies deur die SAUK, die ATKV, VONK, RAPPORT en HUISGENOOT TEMPO. Sewe van Elizabeth se liedere is opgeneem in die nuwe F A K Sangbundel. 'n DVD, HARTSPORE, bevat die beste van 21 jaar se trefferliedjies. Francois en Elizabeth se nuutste album, HEMELDANS, is 'n kombinasie van nuutste en gewildste ligte sowel as geestelike treffers.

Met 'n kwaliteit van musiek wat die toets van die tyd weerstaan het, en met sprankel-persoonlikhede wat hulle geliefd maak by elke gehoor, is Francois en Elizabeth welverdiend deur 'n vroue-tydskrif as gewildste sangpaar in Suid Afrika aangewys.  

 

Francois en Elizabeth se lewens uitkyk is een van vreugde. Hulle glo daaraan om die beste van elke dag te maak, en om met elke optrede, hulle gehoor te inspireer om die lewe te waardeer.   

 

franeliz02.jpg

 

Die lewe is tog die moeite werd -  kom deel die lekkerte daarvan saam met ons!"

Geniet ons Web Tuiste en laat weet ons gerus wat julle graag meer van sal wil sien!

 

 

Francois en Elizabeth Fourie - Ligte Musiek, Geestelike Musiek en Kinderliedjies
©2007 - 2019 Francois en Elizabeth (EF Musiek) en hul lisensieerders. Alle Regte Voorbehou.
Webwerf Ontwerp en Diens Verskaffing deur www.edisc.co.za